Teatro comunitario como ferramenta de intervención e cohesión social

Obxectivos

• a) 5×5, a través das Aulas Municipais de Teatro impulsa a actividade, a creación, as prácticas e os procesos culturais contemporáneos en estreita vinculación coas comunidades e os seus contextos sociais, territoriais e culturais específicos. Na creación dunha dramaturxia desde os veciños contribúe á construción de novos relatos, imaxinarios, representacións estéticas, valores e actitudes para o medio rural no contexto dos retos que suxire o mundo contemporáneo, así como poñe en valor, en diálogo co presente, o patrimonio, o coñecemento e os saberes tradicionais.

• b) 5×5, no seu ámbito de establecer pontes entre profesionais do teatro contemporáneo galego e os cidadáns e cidadás da Galicia rural promover a dinamización, a modernización e a innovación dos sectores e axentes culturais e creativos que operan no medio rural, favorecendo a xeración de emprego, a profesionalización e a creación de redes profesionais locais e rexionais. A formación do proceso de produción dun espectáculo favorece especialmente entre os participates máis novos, unha nova fonte de aprendizaxe profesional e unha posible rama laboral para o seu futuro. A maioría de mulleres no equipo técnico/artístico axuda á consecución da igualdade de xénero nestes sectores.

• c) Tanto a Aula de Teatro como a Creación e Produción dun Espectáculo promove a inclusión e a estimulación da participación cidadá activa na actividade cultural como instrumento de participación democrática, benestar, saúde e cohesión social e territorial. As Aulas están dirixidas por mulleres dentro dun equipo artístico paritario e cunha sensibilidade especial cara o establecemento de estratexias de igualdade de xénero. Que a Aula sexa Interxeracional incluindo rapaces e rapazas de primaria ata xente maior promove con especial atención á participación xuvenil e á colaboración cos centros educativos.

• d) O intercambio entre os grupos na Mostra Itinerante, así como a temática sobfe a peregrinaxe e o Camiño de Santiago das creacións corais favorecen a diversidade cultural, así como o diálogo e o intercambio rural-urbano.

• e) Por último o Mapa Emocional e os roteiros vencellados a el, divulgando e revalorizando o patrimonio paisaxístico dos concellos participantes, impulsa a contribución da cultura aos obxectivos de desenvolvemento sustentable, en particular aqueles vinculados coa sustentabilidade ambiental, xa que os nexos emocionais son un primeiro paso para o coidado do entorno natural.